Әулиекөлде әлеуметтік осал топтарға жататын отбасыларға көптен күткен пәтерлердің кілті табысталды

Бүгін Әулиекөлде әлеуметтік осал топтарға жататын отбасыларға көптен күткен пәтерлердің кілті табысталды. Аудан орталығында кезекте тұрған азаматтарға арналған пәтерлерге 356 миллион теңгеден астам қаражат бөлінген. Соңғы жылдары Қостанай облысында тұрғын үй құрылысының көлемі мен қарқыны айтарлықтай артқан. Аймақ басшысы, Әулиекөлдегі жаңа тұрғын үй иелеріне кілт тапсыру рәсіміне қатысып, өткен жылғы жоспар асыра орындалғанын атап өтті. Ең бастысы, жаңа пәтерлер тек қалаларда ғана емес, ауылдық жерлерде де пайда болуда.