Орталыққа «Айкөмек» бір аптада 1500-ға жуық өтініш түскен

Қураған ағаштар, тротуарға тиіп тұрған электр сымдар, жұмыс істемейтін шамдар. Өткен аптада қала тұрғындарынан «Айкөмек» ахуалдық орталығына осындай мәселе бойынша хабарласқан. Орталыққа бір аптада 1500-ға жуық өтініш түскен. Шаһар басшысы қысқы жұмыстарды жүргізу кезінде мердігерлерді барынша мұқият болуға шақырды. Әйтпесе, коммуналдық жұмыстар барысында келтірілген шығынды компаниялар өз қаражаты есебінен қалпына келтіреді.