Алдағы жылдары 11 жастағы ұл балаларды да адам папилома вирусына қарсы вакцинациялау жоспарлануда

Әлем бойынша әрбір үшінші ер адам папиллома вирусын тасымалдайды. Ал елімізде күн сайын екі әйел жатыр мойны обырынан көз жұмады. Осы қауіптің алдын алу үшін 2024 жылдан бастап қыздарға екпе егу қолға алынған еді. Енді бұл тізбек ұлдармен толықтырылмақ. Алдағы жылдары 11 жастағы ұл балаларды да адам папилома вирусына қарсы вакцинациялау жоспарлануда. Бұл қадам індеттің тамырына балта шаба алады ма?