Қазақстанда жұмыс беруші мен қызметкер арасындағы құқықтық қатынастар жаңа талаптарға көшті

Қазақстанда жұмыс беруші мен қызметкер арасындағы құқықтық қатынастар жаңа талаптарға көшті. Енді еңбек шарттарын азаматтық-құқықтық келісімдермен алмастыруға тыйым салынады. Бұл өзгеріс жұмысшылардың әлеуметтік кепілдіктерін толық сақтауға мүмкіндік береді. Сонымен қатар, жалғызбасты ата-аналарды жұмыстан босатуға қатысты шектеулер күшейтіліп, еңбек дауларын шешудің жаңа тетіктері енгізілді. Ал міндетті мәліметтерді цифрлық жүйеге тіркемеген басшыларға әкімшілік жауапкершілік қарастырылған.