Қостанай облысында білім беру ұйымдарында еңбек заңнамасының талаптары сақталмаған

Қостанай облысында білім беру ұйымдарында еңбек заңнамасының талаптары сақталмаған. Прокуратура жүргізген тексеріс нәтижесінде бірқатар заңбұзушылық анықталды. Арқалық қаласында зейнет жасындағы 35 қызметкерге 5 миллион теңгеден астам өтемақы төленді. Ал заң талаптарын бұзған 11 басшы жауапкершілікке тартылды. Бұдан бөлек, екі колледжде мемлекеттік білім беру тапсырысы аясында бөлінген бюджет қаражатының мақсатсыз жұмсалғаны белгілі болды.