Жыл басынан бері Қостанай экономикасына 132 миллиард теңгеден астам инвестиция тартылды

Жыл басынан бері Қостанай экономикасына 132 миллиард теңгеден астам инвестиция тартылды. Негізгі қаржы тұрғын үй құрылысына, азық-түлік өндірісіне және өңдеу өнеркәсібіне бағытталды. Бұл сала инвестиция көлемі бойынша көш бастап тұр. Қала әкімінің айтуынша, жергілікті машина жасау өндірісі жаңа деңгейге көтерілуде. Ал электромобильдер санының артуына байланысты Қостанайда жуырда электр көліктеріне арналған қуаттау станцияларының саны да көбеймек.