Жеке деректерді заңсыз жинаумен халықаралық ұйымдасқан қылмыстық топ айналысқан

Қазақстан мен ТМД елдерінің тұрғындарына қатысты жеке деректерді заңсыз жинаумен халықаралық ұйымдасқан қылмыстық топ айналысқан. Аталған топ құрған жабық интернет-ресурс Қазақстан мен Чехияның арнайы қызметтерінің бірлескен операциясы нәтижесінде жойылды. Тергеу барысында бұл ресурс арқылы қаскөйлер ақылы негізде азаматтардың жеке мәліметтеріне қол жеткізу мүмкіндігін ұсынып, сондай-ақ ақпаратты заңсыз анықтау және тексеру қызметтерін көрсеткені анықталды.