Жастар өзін банкрот деп танып, қарыздарын төлемеуді қалайды

Жастар өзін банкрот деп танып, қарыздарын төлемеуді қалайды. Бұл туралы Қостанай облысының мамандары айтып отыр. Соңғы кезде оларға жастар кеңес алу үшін жиі жүгінуде екен. Алайда мұндай жағдайларда сөз ірі қарыздар туралы емес — бар болғаны бірнеше мың теңге көлеміндегі берешек жайлы болып отыр. Соған қарамастан, банкрот мәртебесін алғысы келетіндер аз емес. Мәселен, жыл басынан бері өңір тұрғындарынан мемлекеттік кірістер департаментіне осындай 500 өтініш түскен.