Жасанды интеллектті енді сәбилер де меңгеріп жатыр

Жасанды интеллектті енді сәбилер де меңгеріп жатыр. Цифрландыру балабақша бағдарламаларына белсенді енгізілуде. Бұл бағыттағы озық үлгілердің бірі – Лисаков қаласындағы «Мұрагер» балабақшасы. Мұнда нейрожелілер педагогтердің сенімді көмекшісіне айналғанына үш жылдан асты. Қазір жасанды интеллект технологиялары мекеменің барлық оқу-тәрбие процесіне кеңінен енгізілген. Озық цифрлық құралдардың көмегімен балалар қазақ тілін үйреніп, ұлттық музыкалық аспаптармен танысады, тіпті өздері анимациялық мультфильмдер де жасайды.