Тобыл өзенінде заңсыз құм өндірісі әшкереленді

Тобыл өзенінде заңсыз құм өндірісі әшкереленді. Қазір бұл іске қатысты Қаржылық мониторинг агенттігі тергеу жүргізіп жатыр. Тергеу мәліметінше, рұқсатсыз құм өндірумен Қостанай қаласындағы кәсіпорындардың бірінің басшысы айналысқан. Күдікке ілінген тұлға табиғатқа айтарлықтай зиян келтіріп, заңсыз жолмен шамамен 800 миллион теңгеге жуық пайда тапқан болуы мүмкін. Аталған дерек бойынша қылмыстық іс қозғалып, қоршаған ортаға келтірілген залал көлемі анықталуда. Құзырлы органдар тергеу жұмыстарын жалғастырып жатыр.