Тәртіп сақшылары жол үстіндегі заңсыздықтарды әшкерелеу үшін әуе дрондарын жұмылдыруда

Қостанай облысында «Қауіпсіз жол» шарасының өтіп жатқанына бес күн болды. Тәртіп сақшылары жол үстіндегі заңсыздықтарды әшкерелеу үшін заманауи техникалар мен әуе дрондарын жұмылдыруда. Бұл құрылғылардың көмегімен қазірдің өзінде ондаған ереже бұзу дерегі тіркелді. Полицейлер апат деңгейін төмендетуге барынша тырысып баққанымен, өкінішке қарай, өңірдегі тасжолдардың бірінде адам өлімімен аяқталған қайғылы жол апаты орын алды.