Сенат депутаты Геннадий Шиповских несие рәсімдеу жасын 21-ге дейін көтеруді ұсынып отыр

Жастар қарызға батып жатыр! Сенат депутаты Геннадий Шиповских несие рәсімдеу жасын 21-ге дейін көтеруді ұсынып отыр. Депутаттың пікірінше, қазір жастардың шамадан тыс қарызға бату мәселесі өршіп барады. Себебі, қаржы ұйымдары табысы тұрақсыз, тіпті мүлде кірісі жоқ жасөспірімдерге несиені үйіп-төгіп беретін көрінеді. Соның салдарынан кредит жүктемесі артқан жас қазақстандықтар көбейген. Қарызға батқандардың арасында колледж немесе ЖОО студенттері ерекше көп.