Полиция ауыр және аса ауыр қылмыстарға қатысы бар 30-дан астам қылмыстық топтың қызметін тоқтатты

Жыл басынан бері Қазақстанда қылмыстық қауымдастықтарға қатысы бар тұлғаларға қатысты 40-қа жуық қылмыстық іс қозғалды. Полиция ауыр және аса ауыр қылмыстарға қатысы бар 30-дан астам қылмыстық топтың қызметін тоқтатты. Сонымен қатар, колонияларда мекеме әкімшілігінің заңды талаптарына бағынбау және сотталғандар тарапынан қызметкерлерге қоқан-лоққы жасау деректері бойынша 50-ге жуық қылмыстық іс тіркелген. Бұдан бөлек, адам саудасына қатысты 80-нен астам қылмыс анықталды, оның бесеуі Қостанай облысында тіркелген.