Қостанайлық жүргізушілер үшін маңызды ескерту! Жолдағы бақылау күшейтіледі

Қостанайлық жүргізушілер үшін маңызды ескерту! Жолдағы бақылау күшейтіледі. 15 сәуірден бастап қала аумағында және оған іргелес жолдарда жылдамдықты автоматты түрде тіркейтін жаңа кешендер іске қосылады. Жалпы саны екі құрылғы орнатылады. Оның бірі — стационарлы жүйе болса, екіншісі — жылжымалы кешен, яғни кез келген учаскеге қойылуы мүмкін. Полиция өкілдерінің айтуынша, бұл құрылғылар жолдағы қауіпсіздікті арттыру және жол-көлік оқиғаларының алдын алу мақсатында енгізіліп отыр. Сондай-ақ, жаңа аппараттар қала ішіндегі және қала маңындағы көлік қозғалысы көп учаскелерде пайдаланылатын болады.