Қостанайлықтар бір жыл бойы қоқыс шығаруға артық қаражат төлеп келген

Қостанайлықтар бір жыл бойы қоқыс шығаруға артық қаражат төлеп келген. Облысымыздың мамандандырылған ауданаралық экономикалық соты маслихат депутаттары бекіткен коммуналдық тарифті заңсыз деп таныды. Қатты тұрмыстық қалдықтарды шығару бойынша төлем өткен жылы 53%-ға қымбаттаған болатын. Нәтижесінде, прокурордың арызы бойынша тариф қайта қаралып, одан бірқатар былық анықталды. Сот отырысында «Тазалық-2012» компаниясы жаңа тариф құрамына мүлдем қарастырылмаған шығындарды еңгізгені белгілі болды.