Қостанайлық кардиохирургтар алғаш рет өкпе артериясынан қан ұйығыштарын алып тастау операциясын жасады

Қостанайлық кардиохирургтар алғаш рет өкпе артериясынан қан ұйығыштарын алып тастау операциясын жасады. Күрделі манипуляция қыркүйек айында жүргізілді. Қостанайдың 51 жастағы тұрғыны бір жылдан астам уақыт бойы үйде қозғалғанның өзінде, ентігіп қала беретініне шағымданған. Оның өкпе артерияларының 95% — ы қан ұйығыштарымен бітеліп қалғаны белгілі болды. Ал, бүгін науқас толық кеудесімен дем ала алып, дәрігерлерге алғысын айтуда.