Қостанайлық 50-ден астам азамат заңсыз несие берушінің қаржылық тұзағына түскен

Қостанайлық 50-ден астам азамат заңсыз несие берушінің қаржылық тұзағына түскен. Лицензиясыз жұмыс істеген қала тұрғыны азаматтарға мүлкін кепілге қою арқылы жылдық 120 пайыздық үстемемен қарыз рәсімдеген. Алайда тұрғындар алған қаражатынан бірнеше есе көп соманы қайтаруға міндеттелгені белгілі болды. ҚР Қаржылық мониторинг агенттігінің мәліметінше, осындай заңсыз жолмен әрекет еткен азаматтың қылмыстық табысы бір миллиард теңгеден асып отыр.