Қостанайда «Вандализмге жол жоқ» акциясы бастау алды

Қостанайда «Вандализмге жол жоқ» акциясы бастау алды. Игі бастаманы Тарихи-мәдени мұраны зерттеу, реставрациялау және қорғау орталығы ұйымдастырып отыр. Бүгін орталық мамандары еріктілерімен бірлесіп, қаладағы тарихи ескерткіштерді түрлі жазулардан тазартып, айналасын қоқыстан арылтты. Акцияның басты мақсаты – тарихи-мәдени мұра нысандарын қорғау, олардың тазалығы мен сақталуына қоғам назарын аудару және жастардың мәдени құндылықтарға деген жауапкершілігін арттыру.