Қостанайда тұрмыстық зорлық-зомбылық құрбандарына тұрақты көмек көрсетіле бастайды

Қостанайда тұрмыстық зорлық-зомбылық құрбандарына тұрақты көмек көрсетіле бастайды. Енді мұндай жандарды қолдау тікелей бюджет есебінен жүзеге асырылмақ. Бұл туралы кеше қала әкімдігінде өткен апараттық кеңесте айтылды. Айта кетейік, бұл қызмет түрі 6 жыл бойы үкіметтік емес ұйымдар арқылы көрсетіліп келген болатын. Соның салдарынан қиын жағдайға тап болған жандар тұрақты көмек ала алмай, қайтадан зорлық көрсеткен агрессорга оралуға немесе өз қаражатына пәтер жалдауға мәжбүр болған. Сонымен қатар, қалада 17 маманнан тұратын «Отбасыны қолдау орталығы» ашылды. Орталықта дау-жанжалдар шешіліп, психологиялық және құқықтық көмек көрсетіледі.