Қостанайда тұрмыстық қалдықтарды кәдеге жаратудың инновациялық тәсілі қолға алынды

Қостанайда тұрмыстық қалдықтарды кәдеге жаратудың инновациялық тәсілі қолға алынды. Бүгін қаладағы №19 орта мектеп базасында екінші деңгейлі шикізатты жинау және өңдеумен айналысатын тұңғыш эко-шеберхана ашылды. Орталық пластик қалдықтарын 3D-принтерге қажетті жіпке айналдыратын бірегей құрылғылармен жабдықталған. Сонымен қатар, Дүниежүзілік қоршаған ортаны қорғау күні аясында аймақта бір мезетте жүзден астам жәндіктер үйшігі орнатылып, әлемдік рекордтық акция ұйымдастырылды.