Қостанайда саяжай маусымы басталып кетті

Қостанайда саяжай маусымы басталып кетті. Ал бүгіннен бастап саяжайларға қатынайтын автобустар жүре бастайды. Жолға алты бірдей маусымдық маршрут шығады, сондай-ақ бірқатар тұрақты автобустардың бағыты ұзартылады. Ал «Железобетонщик» саяжайындағы учаскелердің бірінде жұмыс қазірдің өзінде қызып жатыр: гүлдер бүршік жарып, егілген көшеттер де бой көтере бастаған. Жақын арада бау-бақшаларды суару үшін су беріледі деп күтілуде.