Қостанайда мемлекет тарапынан жеңілдетілген несие алып, кәсібін ашамын деушілер биыл қаржыландырусыз қалуы мүмкін

Қостанайда мемлекет тарапынан жеңілдетілген несие алып, кәсібін ашамын деушілер биыл қаржыландырусыз қалуы мүмкін. Себебі әзірге, шағын несиеге өтінімдерді қабылдау мерзімі белгіленбей отыр. Бұл жайында бүгін қалалық кеңесте Қостанай қаласының Мансап орталығы басшысы мәлімдеді. Жалпы, Кәсіпкерлікті дамытудың 2022-2025 жылдарға арналған ұлттық жобасы аясында ағымдағы жылы 666 жұмыс орны ашылуы керек. Қазір оның тек 70 пайызы орындалған.