Қостанайда Қазақстан Республикасы Президентінің жанындағы Ұлттық ғылым академиясы Президиумының көшпелі отырысы өтті

Қостанайда Қазақстан Республикасы Президентінің жанындағы Ұлттық ғылым академиясы Президиумының көшпелі отырысы өтті. Кездесудің басты тақырыбы – өңірлік ғылымды агроөнеркәсіптік кешеннің негізгі тірегіне айналдыру және еліміздің технологиялық егемендігін қамтамасыз ету жолдарын қарастыру болды.Көшпелі отырыс шеңберінде өткен ғылыми-инновациялық көрме ауыл шаруашылығы саласына арналған жаңа технологиялар мен тың шешімдердің алаңына айналды. Жиынға қатысқан отандық және шетелдік ғалымдар, ЖОО өкілдері мен кәсіпкерлер агросекторды дамытуға бағытталған заманауи жобаларын таныстырды.