Қостанайда қаңғыбас жануарларға арналған заманауи панажай бой көтермек

Қостанайда қаңғыбас жануарларға арналған заманауи панажай бой көтермек. Облыс орталығының әкімі қала сыртынан лайықты жер телімін қысқа мерзімде тауып, құрылысты бастауды тапсырды. Жаңа кешен бүгінгі қолданыстағы орталықтардан ауқымы жағынан да, жабдықталуы тұрғысынан да әлдеқайда басым болмақ. Жоспар бойынша, бұл нысан тек иесіз қалған төртаяқтылардың мәселесін шешіп қана қоймай, қала ішіне адасып кірген, адам көмегіне зәру жабайы аңдар мен құстардың да сенімді панасына айналмақ.