Қостанай орталығындағы аулалардың бірінде қоқыс алаңына қатысты дау туындады

Қостанай орталығындағы аулалардың бірінде қоқыс алаңына қатысты дау туындады. Жергілікті тұрғындар оның орналасқан жеріне байланысты өзара келісімге келе алмай жүр. Қазіргі уақытта контейнерлер жеке үйдің жанында тұр, ал үй иесі бұған үзілді-келді қарсы. Алайда оның ұсынған баламасы барлық аула тұрғындарының көңілінен шықпай отыр. Бұл ретте санэпидемиологтардың мәліметінше, бұл екі орын да санитарлық нормаларға сай келмейді.