Қостанай облысының қалалары мен аудандарында жол жөндеу жұмыстары қарқынды жүргізілуде

Қостанай облысының қалалары мен аудандарында жол жөндеу жұмыстары қарқынды жүргізілуде. Автожол саласының бюджеті биылғы жылы барлық бағдарламалар бойынша 102 миллиард теңгені құрайды, бұл 103 елді мекенде 1 300 шақырым жалпыға ортақ пайдаланылатын жолдарды және 400-ден астам көше учаскелерін ретке келтіруге мүмкіндік береді. Майлин атындағы ауданда ауылдық және кенттік жолдарды абаттандыру жұмыстары мамыр айының ортасынан басталды. Әйет ауылдық округінде жұмысқа 350 миллионнан астам қаражат бөлінді.