Қостанай облысында рұқсат етілмеген жерде суға түскен 36 адам жауапкершілікке тартылды

Қостанай облысында рұқсат етілмеген жерде суға түскен 36 адам жауапкершілікке тартылды. Аптап ыстыққа байланысты өткен демалыс күндері су айдындарында бақылау күшейді. Суға түсуге ағылған тұрғындардың бірқатары шомылуға тыйым салынған аумақтарда демалған. Нәтижесінде төтенше жағдайлар қызметінің мамандары қауіпсіздік талаптарын бұзған азаматтарды анықтап, оларға әкімшілік хаттама толтырды. Бұдан бөлек, Қостанай қаласы маңындағы демалыс орындарына апаратын жолдарда ұзын-сонар көлік кептелісі тіркелді.