Қостанай облысында көші-қон заңнамасын бұзудың 250-ден астам дерегі анықталды

«Мигрант» жедел-профилактикалық іс-шарасының тек үш күнінде Қостанай облысында көші-қон заңнамасын бұзудың 250-ден астам дерегі анықталды. Республикалық тексеріске кіріскен тәртіп сақшылары қазір тұрғын үйлерді, жатақханалар мен саяжайларды, базарлар мен сауда орындарын жаппай тексеріп жатыр. Алғашқы нәтиже де жоқ емес: заңға бағынбаған бірнеше шетелдік елден шығарылды. Сондай-ақ, осыдан бір жыл бұрын Қазақстан аумағынан кету туралы сот шешімін орындамай, бой тасалап жүрген бір азамат құрықталып, қамауға алынды.