Қостанай облысында эвакуациялық пункттер саны артып келеді

Қостанай облысында эвакуациялық пункттер саны артып келеді. Соңғы үш жыл ішінде өңірде 10-ға жуық жаңа уақытша көмек көрсету пункті жабдықталып, олардың жалпы сыйымдылығы 14 мың адамға ұлғайған. Бұл төтенше жағдайлар кезінде халықты қауіпсіз жерге орналастыру мүмкіндігін едәуір кеңейтіп отыр. Қыс мезгілі басталғалы бері биыл жылыту пункттеріне қар құрсауында қалған 200-ден астам азамат жеткізілген. Оларға дер кезінде көмек көрсетіліп, жылы орын, ыстық тамақ және өзге де тұрмыстық қажеттіліктер берілді.