Қостанай облысында өңірлік даму мен ауыл инфрақұрылымын жаңғырту бағытында ауқымды жұмыстар атқарылуда

Қостанай облысында өңірлік даму мен ауыл инфрақұрылымын жаңғырту бағытында ауқымды жұмыстар атқарылуда. Облыс әкімі Ұзынкөл ауданына жұмыс сапары барысында бірқатар әлеуметтік нысандарды аралап, ауыл шаруашылығының жай-күйімен және жаңа әлеуметтік жобалармен танысты. Аудан орталығында жаңадан салынған көпқабатты тұрғын үй, демалыс паркі және ауыл шаруашылығындағы ірі жобалар – өңірдің әлеуметтік-экономикалық өсімінің айқын көрсеткіші. Жергілікті шаруашылықтар да ауылды көркейтуге өз үлесін қосып, спорт алаңдарын салып, әлеуметтік жауапкершілік танытуда.