Қостанай облысында интернет-алаяқтық фактілері көбейіп отыр

Қостанай облысында интернет-алаяқтық фактілері көбейіп отыр. Облыстық прокуратураның мәліметінше, биыл өңірде жалған инвестициялық ұсыныстарға байланысты 60-қа жуық іс тіркеліп, келтірілген шығын 360 миллион теңгеден асқан. Құқық қорғау органдарының өкілдері алаяқтардың жоғары табысқа уәде беріп, азаматтарды жалған инвестициялық жобаларға ақша салуға көндіретінін айтты. Мамандар тұрғындарды сақ болуға және қаржы салмас бұрын ақпаратты мұқият тексеруге шақырады.