Қостанай қаласында жерді мемлекеттік қажеттіліктер үшін алып қою жұмыстары жалғасуда

Қостанай қаласында 2024 жылғы су тасқынынан зардап шеккен кейбір жер учаскелері иелеріне өтемақы әлі күнге дейін толық төленбеген. Әңгіме Колесные ряды ауданындағы жер телімдері туралы болып отыр. Облыс орталығының әкімінің айтуынша, бұл меншік иелеріне бюджет қаражаты бөлінуіне қарай барлық шығын өтелетін болады. Болжам бойынша, бұл мәселе 2027 жылы шешілуі мүмкін. Сонымен қатар Қостанай қаласында жерді мемлекеттік қажеттіліктер үшін алып қою жұмыстары жалғасуда. Мәселен, осы жұмыстардың нәтижесінде теміржол ауруханасының маңында көптен күткен қауіпсіз жаяу жүргіншілер аймағы пайда болады.