Қостанай қаласында есірткіге қарсы ауқымды форум өтті
Қостанай қаласында есірткіге қарсы ауқымды форум өтті. Іс шараға мектеп оқушылары, колледж және университет студенттері қонақ ретінде шақырылды. Полиция департаменті өкілдері ұйымдастырған кездесуге жасөспірімдермен тікелей жұмыс атқаратын түрлі сала мамандар да төбе көрсетті. Олардың арасында наркологиялық диспансер, облыстық сот өкілдері және ЖОО-ның проректорлары болды. Кездесу барысында жастар есірткі мәселесіне қатысты өз сауалдарын қойып, жаза түрлері жайында мардымды ақпарат алды.