Лисаков қаласының мектептерінде оқушыларға алғашқы медициналық көмек көрсету дағдылары үйретілуде

Лисаков қаласының мектептерінде оқушыларға алғашқы медициналық көмек көрсету дағдылары үйретілуде. Бұл бастама аясында балалар «FAST» халықаралық білім беру бағдарламасы бойынша білім алуда. Аталған бағдарлама инсульттің алғашқы белгілерін анықтап, жедел әрекет етуге бағытталған. Мамандардың айтуынша, инсульт кезінде алғашқы минуттар аса маңызды. Сондықтан мектеп оқушыларына аурудың белгілерін тану, жедел жәрдем шақыру және зардап шеккен адамға алғашқы көмек көрсету тәрізді әрекеттер үйретіледі.