Үкімет басшысы Олжас Бектенов Қостанай облысына жұмыс сапары барысында өңірдің өнеркәсіптік әлеуетімен танысты

Үкімет басшысы Олжас Бектенов Қостанай облысына жұмыс сапары барысында өңірдің өнеркәсіптік әлеуетімен танысты. Ол Президенттің Жолдауында айтылған жоғары қайта өңдеуді игеру және локализация деңгейін арттыру тапсырмаларының орындалу барысын тексерді. Үкімет басшысы жылдық қуаттылығы 450 мың тонна сұрыпты илем өндіретін кәсіпорынды аралап, болат дайындамасын шығаратын жаңа зауыттың құрылысын жоспарлау туралы ақпарат алды. Жаңа зауыт 1 млн тонна өнім шығарып, 600 жаңа жұмыс орнын ашатын болады.