Өңірде түлкі мен қарсақтардың ауылға кіруі тыйылар емес

Өңірде түлкі мен қарсақтардың ауылға кіруі тыйылар емес. Облыстық ветеринария басқармасының мәліметінше, қазіргі таңда анықталған 8 құтыру ошағының бесеуі — жабайы жануарлардан тараған. Мамандар мұны жыртқыштар популяциясының артуымен байланыстырады. Сол себепті, 1 қарашадан бастап өңірде оларды атуға ресми түрде рұқсат берілді. Өңірлік коммуникациялар алаңында өткен брифингте басқарма басшысы жағдайды тұрақтандыру үшін қолға алынған өзге де шараларды айтып берді.