Өңірде көктемгі ықтимал су тасқынына дайындық жалғасып келеді

Өңірде көктемгі ықтимал су тасқынына дайындық жалғасып келеді. Қазіргі таңда облыс бойынша 49 елді-мекен қауіпті аймақта тұр. Синоптиктердің болжамы бойынша қардың қарқынды еруі 25-ші наурызда басталады. Осыған орай ТЖД өкілдері су басу қаупі бар аймақтарда 9 бірдей жедел әрекет ету тобын құрған. Бұдан бөлек, құтқарушылар өзен-көлдерде мұз жару жұмыстарын қарқынды жүргізуде. Бұл өз кезегінде өзен арналарында мұз кептелісінің орын алуына жол бермей, еріген судың кедергісіз ағып кетуін қамтамасыз етеді.