Елімізде тауарларға үстемақыны асыра қосатын саудагерлер қатары көбейген

Елімізде тауарларға үстемақыны асыра қосатын саудагерлер қатары көбейген. Кейбірі QR немесе карта арқылы жасалатын төлемге үстемақы қосуды шығарған. Сондай-ақ кәсіпкерлер салықтан жалтару үшін тұрғындардан қолма-қол ақша сұратады екен. Тұтынушылардың құқықтарын қорғау комитеті бұндай жайттарды тыйю үшін заңды күшейтіп, айыппұлды өсірді. 13-наурыз күні қабылданған құжат әлеуметтік маңызы бар тауарларды да қамтыды. Енді кәсіп иелері май, ұн, қант және тағы басқа маңызды тауарларға үстемақыны 15 пайыздан асырса, 100 мың теңге айыппұл төлейді.