Елімізде мопедтерді тіркеу науқаны жалғасып жатыр

Елімізде мопедтерді тіркеу науқаны жалғасып жатыр. Күннің жылуымен қос дөңгелекті көлік иелері темір тұлпарларын заңдастыруға белсене кіріскен. Мамандандырылған ХҚКО-да қазір ұзын-сонар кезек пайда болуда. Ал облыс бойынша 400-ге жуық мопед мемлекеттік нөмір алды. Айта кетейік, скутер мен мопедтерді 4-ші сәуірге дейін тіркеуге қойып, мемлекеттік нөмір алу қажет. Ал заңдастырылмаған көлік иелеріне 10 АЕК айыппұл салынады.