Елімізде келер жылдың сәуір айына дейін жанармай мен коммуналдық қызметтер бағасы тұрақты болады

Елімізде келер жылдың сәуір айына дейін жанармай мен коммуналдық қызметтер бағасы тұрақты болады. Үкімет қабырғасында Мемлекет басшысы Қасым-Жомарт Тоқаевтың экономикалық реформалар бағдарламасын тиімді іске асыру жөніндегі тапсырмаларды орындау кеңесі өтті. Жиында экономиканы тұрақтандыру және азаматтарды қорғау шаралары қабылданды. Басты тетіктердің қатарында жанармай бағасының өсуіне мораторий салу, коммуналдық қызметтер тарифінің өсуін тоқтату, азық-түлік бағасын тұрақтандыру және шағын және орта бизнесті қолдаудың нақты жолдары айтылды.