Береке шағын ауданында 11 көпқабатты үй ыстық сусыз қалып отыр

Береке шағын ауданында 11 көпқабатты үй ыстық сусыз қалып отыр. Себебі тұрғындарға қызмет көрсететін қазандық иесі қарызға батып, тоқ пен газдын жоқтығынан бір ай бұрын жұмысын тоқтатқан. Кәсіпкер жағдайды реттеу үшін тариф бағамын бірден 30 пайызға көтеруді талап еткен. Дегенмен табиғи монополияларды реттеу департаменті бұл ұсынысты негіссіз деп танып, төлемді тек 3 пайызға қымбаттатқан. Бұл жағдайға әкімдік де араласып көрген. Дегенмен, кәсіпкер қазандықты жергілікті атқарушы орган қарамағына тегін беруден бас тартуда. Қазір бұл мәселе сотта қаралып жатыр.