Қазақстанның мыңнан астам мемлекеттік мекемелері өнімдерді жоғары бағамен сатып алды

Мектептер, балабақшалар, ауруханалар мен балалар үйлері сияқты Қазақстанның мыңнан астам мемлекеттік мекемелері азық-түлікті жоғары бағамен сатып алған. Бір жыл ішінде Қаржы мониторингі агенттігі осындай сегіз жүзден астам фактіні анықтады. Осы материалдардың барлығы өңірлік комиссияларға беріліп, нәтижесінде 370 миллион астам бюджеттік ақшаны үнемдеуге мүмкіндік туған.