Қазақстанның Ішкі істер министрлігі жол қозғалысына бақылауды күшейтіп отыр

Жол қауіпсіздігін енді патрульдік экипаждармен қатар дрондар, мобильді кешендер мен орташа жылдамдықты бақылау жүйелері де қадағалайды. Осылайша Қазақстанның Ішкі істер министрлігі жол қозғалысына бақылауды күшейтіп отыр. Полиция қызметкерлерінің айтуынша, цифрлық технологиялар көлік жүргізу кезінде жылдамдықты шамадан тыс арттыру, рөлде телефонмен сөйлесу, жаяу жүргіншілерге жол бермеу және басқа да құқық бұзушылықтарды тіркеуге мүмкіндік береді. Ең бастысы, бұл технологиялар қауіпті жағдайларға жедел әрекет етуге және жол-көлік оқиғаларының алдын алуға көмектеседі.