Қазақстанда “Гендерлік зорлық-зомбылыққа қарсы 16 күндік белсенді іс-қимыл” акциясы басталды

Қазақстанда “Гендерлік зорлық-зомбылыққа қарсы 16 күндік белсенді іс-қимыл” акциясы басталды. Бұл шара жыл сайын 25 қараша мен 10 желтоқсан аралығында БҰҰ Конвенциясына сәйкес өткізіледі. “Әйелдер мен қыздарға қатысты цифрлық зорлық-зомбылықты тоқтату үшін бірігейік” ұранымен ұйымдастырылып отыр. Ішкі істер министрлігінің мәліметінше, полиция ең алдымен интернет пен әлеуметтік желілердегі қоқан-лоққы, қудалау және жеке мәліметтердің рұқсатсыз таралуына назар аударады.