Қазақстанда дәрігерлік қателіктер үшін медицина қызметкерлерінің жауапкершілігі арта түсті

Қазақстанда дәрігерлік қателіктер үшін медицина қызметкерлерінің жауапкершілігі арта түсті. Халық денсаулығы туралы кодекске енгізілген жаңа өзгерістерге сәйкес, енді пациентке келтірілген залал үшін арнайы сақтандыру жүйесі іске қосылады. Бұл жүйе медициналық көмекті көрсету барысында келтірілген шығынды өтеуге бағытталған. Осыған орай, меншік нысанына қарамастан Қостанай облысындағы барлық медициналық ұйымдар 1 шілдеге дейін сақтандыру компанияларымен келісімшарт жасасуы тиіс.