Қазақстанда биылғы жылдың алғашқы алты айында төрт мыңға жуық есірткіге байланысты қылмыс тіркелді

Қазақстанда биылғы жылдың алғашқы алты айында төрт мыңға жуық есірткіге байланысты қылмыс тіркелді.
Оның жартысына жуығы — ауыр және аса ауыр қылмыстар. Ішкі істер министрлігінің мәліметінше, есірткіге қарсы күрес жұмыстары күшейтіліп, полиция қызметкерлері жедел іздестіру шараларын белсенді жүргізген. Соның арқасында есірткі таратумен айналысқан адамдар — есірткіні жасырын қойып кетушіден бастап, үлкен қылмыстық топтардың басшыларына дейін анықталып, ұсталды. Сонымен қатар заңсыз айналымнан алты тоннадан астам есірткі тәркіленді.