Қазақстан мұсылмандары діни басқармасы саналы түрде балалы болудан бас тартуға қатысты пәтуа шығарды

Чайлдфри идеологиясы ислам шариғатына қайшы. Қазақстан мұсылмандары діни басқармасы саналы түрде балалы болудан бас тартуға қатысты пәтуа шығарды. Дін өкілдерінің айтуынша, мұндай ұстаным отбасы құндылықтарына қайшы келеді және қоғамның болашағына кері әсер етуі мүмкін. ҚМДБ мәліметінше, ерлі-зайыптылардың денсаулығына байланысты жүктілікті уақытша кейінге қалдыруға болады. Бірақ кедейліктен қорқу, жауапкершіліктен қашу немесе өз еркімен бала сүюден толықтай бас тарту шариғатта құпталмайды.