Жазғы демалыс кезеңінде қауіпсіздік шаралары жөнінде кеңес өтті

Облыста шомылу маусымы басталғалы бері Қостанай, Рудный және Лисаковск қалаларында су айдындарында үш қайғылы оқиға тіркелді. Жазғы демалыс кезеңінде оқыс оқиғалардың алдын алу мақсатында Денисов ауданы әкімдігінде ата-аналар қауымдастығы мен мемлекеттік органдардың өкілдерінің қатысуымен қауіпсіздік шаралары жөнінде кеңес өтті. Кеңес барысында балалардың демалысы мен қауіпсіздігіне ерекше мән берілді. Кеңестен кейін комиссия жазғы сауықтыру лагеріне барып, оның қызметі мен қауіпсіздік талаптарының сақталуын тексерді.