Қостанай облысында дәстүрлі түрде өтетін WorldSkills Kostanay – 2025 чемпионаты биыл да өз ауқымын кеңейтті

Қостанай облысында дәстүрлі түрде өтетін WorldSkills Kostanay – 2025 чемпионаты биыл да өз ауқымын кеңейтті. Шамамен 400 студент пен оқушы 60-тан астам мамандық бойынша өз шеберлігін сынады. Жарыстар облыстың алты қаласында 14 алаңда өтті. Бұл байқау жастарға кәсіби дағдыларын жетілдіруге тамаша мүмкіндік береді. Кеше Жастар сарайында чемпионаттың жабылу салтанаты ұйымдастырылды. Марапаттау рәсімінде жүлдегерлер анықталып, оларға жүлделі орындары табысталды. Енді жеңімпаздар республикалық байқауға аттанады.