Қостанайда тәртіп сақшылары телефон арқылы жалған ақпарат берген азаматты анықтады

Қостанайда тәртіп сақшылары телефон арқылы жалған ақпарат берген азаматты анықтады. Оның жалған хабарламасы салдарынан қаладағы сауда және ойын-сауық орталығының қызметкерлері мен келушілері шұғыл түрде эвакуацияланған болатын. Белгілі болғандай, мұндай жауапсыз әрекетке барған — мектеп оқушысы. Ол төтенше жағдайлар қызметіне қасақана жалған ақпарат беріп, қала тұрғындарының қауіпсіздігіне қауіп төндірген. Тергеу барысында жасөспірімнің тағы бір осындай бұзақылық әрекетке қатысы бар екені әшкере болды.